د قربانئ د نیکمرغه اختر په لمانځه او جشنونو کې په مصر کې د میلیونونو مصریانو شتون

ایکنا – د مصر په میلیونونو مسلمانانو د جمعې په ورځ د قرآنی د نیکمرغه لوي اختر  د لمانځه د اقامې لپاره  د مختلفو  ښارونو جوماتونو او واټونو ته  مخه کړه او  په ولولناکې او پرتمینې فضا کې ئې  د الله اکبر ندا او چغې پورته کړې او له یوه بل سره  غاړې وتل.

 ایکنانیوزد الیوم السابع له قوله راپور راکړ، د قربانئ د نیکمرغه لوي اختر په مناسبت، د مصر په بېلابېلو ښارونو کې میلیونونو مصریان په میدانونو او جوماتونو کې د قربانئ د نیکمرغه لوي اختر د لمانځه لپاره غونډ شول او په یوې له خوښۍ او سرور او ولولې په ډکې فضا کې ئې د «الله اکبر» ندا او چغې پورته کړې.

دوي په داسې فضا کې، چې له خوښۍ او سرور څخه ډکه وه، د «الله اکبر» شعارونه پورته کړل.

په ځینو ښارونو کې د اختر د خطبې د پیل د نښې په توګه د لوړو ودانیو څخه د بالونونو خوشې کولو سره د ماشومانو لپاره یوه د خوښۍ ډکه فضا رامنځته شوه.

د پولیسو ځواکونو د لمونځ کوونکو د امنیت د خوندیتوب لپاره خپل امنیتي شتون پیاوړی کړ. د مصر د ځوانانو او سپورټ وزارت اعلان وکړ چې لمونځ کوونکي کولی شي د اوقافو وزارت په همکارۍ د ځوانانو په مرکزونو کې په انګړونو او لوبغالو کې د قرباني اختر لمونځ ادا کړي. د لمانځه وروسته، ماشومانو ته ډالۍ او خواږه ووېشل شول. د مصر د اوقافو وزارت هم راپور ورکړ چې د مرکزي عملیاتو خونې د لمانځه په جریان کې هیڅ کومه پېښه ثبت کړې نه ده.

کورنۍ د اختر د  نوو جامو په اغوستلو سره میدانونو او جوماتونو ته لاړې څو لمونځ وکړي او د اختر د خوښۍ شپې ورځې پیل کړي. کله چې خلک له لمانځه میدانونو څخه ووتل، په یوې له مینې او خوښۍ فضا کې ئې جشنونه وکړل او د کورونو لپاره د قربانۍ ذبح کولو د مخه ئې په میدانونو او جوماتونو مخې ته د ډالیو او بالونونو په وېشلو سره یو بل ته د اختر مبارکي وویله. د مصر په بېلابېلو برخو کې ګورنرانو، قومندانانو، امنیتي چارواکو او روحاني مشرانو د جمعې په سهار په اصلي میدانونو او بېلابېلو جوماتونو کې د قرباني اختر په لمانځه کې ګډون وکړ.

په ځینو سیمو کې د سرې میاشتې رضاکارو د قرباني اختر د لمانځه په ځایونو کې پر ماشومانو ډالۍ، بالونونه، خواږه او د سره میاشتې بیرغونه ووېشل  څو د دوی په مخونو خوښي راولي.

په الاقصر، غربیه، اسیوط، سوهاج، دمیاط، قاهره، اسکندریه، دقهلیه او قلیوبیه ولایتونو کې، میلیونونه مصریانو په یوه د خوښۍ او سرور ډکه فضا کې د قرباني اختر لمونځ ادا کړ.

ایکنانیوز د قربانۍ د نیکمرغه لوي اختر  په مناسبت د مصر د میلیونونو  خلکو د ولولناکو دستورو یو لړ انځورونه په انځوریز راپور کې برابر کړي چې ستاسو خدمت ته ئې هم وړاندې کوي.

https://iqna.ir/fa/news/4286807